Беластоцкі ўніверсітэт ладзіць навуковую канферэнцыю, прысвечаную міжнародным адносінам ва ўмовах вайны ва Украіне.
Удзельнікі канферэнцыі — студэнты, магістранты і дактары навук польскіх і ўкраінскіх універсітэтаў. Сустрэчы адбываюцца на базе факультэта біялогіі, для ўдзельнікаў падрыхтавана тэматычная літаратура.
Пра канферэнцыю распавёў дэкан факультэта міжнародных адносінаў Адам Бартніцкі:
– Гэта першая канферэнцыя, якая адбываецца на факультэце міжнародных адносінаў. Ну і сімптаматычна, што студэнты першымі зрабілі такую працу і арганізавалі сапраўды вельмі добрую канферэнцыю і сапраўды з вельмі добрымі рэфератамі. Будзем старацца выдаць, можа не ўсе працы, якія прагучалі на канферэнцыі, але кнігу, датычную вайне ва Украіне і агрэсіі Расеі ва Украіне, якая пачалася ў 2014 годзе, а я нават сказаў бы, што раней, лічу, што пачатак расейскай агрэсіі – з часоў Памаранчавай рэвалюцыі.
Канферэнцыя адбываецца напрацягу двух дзён — у чацвер і пятніцу. У дакладах даследуюцца праблемы дэпартацыі ўкраінскіх дзяцей і рэакцыя сусветнай супольнасці на гвалт, звязаны з вайной ва Украіне.
Беларускае Радыё Рацыя
