На аддзяленні гісторыі Беластоцкага ўніверсітэта прайшла адкрытая сустрэча Студэнцкага навуковага кола гісторыкаў. На якой, сярод іншага, абмеркавалі тэму фотаздымкаў часоў паўстання 1863 – 64 гадоў. Пра тое, як праходзяць даследаванні і якую інфармацыю можна даведацца з фотаздымкаў, зробленых больш за 160 гадоў таму, прысутным распавядаў – дактарант школы гуманітарных навук пры Беластоцкім універсітэце Каміль Здраеўскі:
– Была сустрэча нашага навуковага кола, на якім прэзентаваў фотаздымкі паўстанцаў 1863 года, а таксама якія навуковы праблемы з гэтым звязаныя. Напрыклад, гэта можа быць правільная ідэнтыфікацыя дадзенай асобы, атэлье ў якім быў выкананы фотаздымак. Таксама, як на іх падставе можам гэтую асобу прыпісаць да канкрэтнай паўстанчай фармацыі.
Поўны матэрыял слухайце ў далучаным гукавым файле:
Па словах даследчыка да нашых дзён захаваліся некалькі тысяч фотаздымкаў часоў паўстання 1863 года. Пераважная большасць – гэта выявы паўстанцаў, зробленых у асноўным на тэрыторыі Аўстра-Венгерскай імперыі ў Львове ды Кракаве.
Юрась Дзяшук, Беларускае Радыё Рацыя
