У Беластоку 18 сакавіка адбылося ўрачыстае адкрыццё новай грамадскай прасторы — Суседскага Дома, якую стварыў і адкрыў Фонд «Акно на Усход». Дом стане месцам сустрэч, сумесных ініцыятыў і падтрымкі мясцовай супольнасці.
Як адзначае арганізатар падзеі Павел Міцкевіч, Суседскі Дом задуманы як адкрытая прастора для ўсіх, хто хоча паўдзельнічаць у цікавых праектах ці арганізаваць нешта сваё:
-Гэта адкрытае месца для ўсіх жыхароў Беластока, незалежна ад таго, які ты маеш пашпарт, на якой мове размаўляеш. Тут можна ўзяць удзел у івэнтах, арганізаваць сваё.
Валанцёры праекта з Беларусі і Грузіі падкрэсліваюць, што Суседскі Дом таксама адказвае на міграцыйныя змены ў сацыяльнай структуры Беластока і дае шанец на інтэграцыю:
-Гэты праект дае пачуццё, што ты можаш неяк уплываць на грамадства. Прыходзіць адчуванне, што ты не самотная. Ты не адна ў іншай краіне.
-Гэта мажлівасць аб’яднаць беларусаў і тых, хто толькі прыехаў.
Суседскі Дом, адкрыты Фондом «Акно на Усход», гатовы прымаць усіх ахвочых па адрасе: вул. Сянкевіча 82, паверх -1. Афіша Дома і прыём заявак на мерапрыемствы даступныя ў сацыяльных сетках Фонду.
Падрабязнасці тут: https://www.facebook.com/fundacjaoknonawschod
Цалкам матэрыял:
Беларускае Радыё Рацыя
