Падчас сённяшняй сустрэчы ў маршалка Падляшскага ваяводства Артура Касіцкага прадстаўнікі беларускай дыяспары і беларускай меншасці на Падляшшы абмеркавалі магчымасці атрымання еўрапейскіх сродкаў на падтрымку беларускай культуры, а таксама дзеля вырашэння эканамічных праблемаў памежнай зоны.
У сустрэчы з маршалкам узялі удзел Анатоль Вап, Яўген Вапа, Алег Латышонак, Павел Латушка, Павел Станкевіч і Наталля Сцепанцова.
фота Podlaskie.eu
Гаворыць Алег Латышонак старшыня саюзу беларускіх арганізацыяў пры Цэнтры Беларускай Культуры ў Беластоку:
Сустрэча была прысвечана агульным пытанням фінансавання дзейнасці беларускай меншасці, беларускай дыяспары, супрацы паміж Кабінетам Ціханоўскай і Падляшскім кіраўніцтвам у падыманні ў еўрапейскімх фондах пэўных праблемаў, а таксама функцыянавання памежных абшараў, якія моцна пацярпелі.
Падрабязней пра сустрэчу слухайце ў далучаным файле:
Павел Латушка і Артур Касіцкі
Павел Латушка на памяць пра сустрэчу і як знак падзякі за стварэнне Цэнтру беларускай культуры ўручыў маршалку адпаведны адрас.
Беларускае Радыё Рацыя
