Падляшскі кансерватар помнікаў сумесна з Клубам аматараў транспарту ў Беластоку зладзілі каля палаца Гасбахаў выставу “Аўтамабілі на бруку”. Разам з іншымі ўдзельнікамі мерапрыемства Падляшскі ваяводскі захавальнік помнікаў Адам Мусюк паразважаў пра тое, калі транспартны сродак можна лічыць гістарычнай каштоўнасцю:
– Аўтамабілі – гэта элементы культурнай і гістарычнай спадчыны. Цудоўныя аўтамабілі – гэта па-першае. Па-другое – гэта сведкі гісторыі, месцаў, падзей. Гама гістарычных аўтамабіляў вельмі разнастайная.
У Польшчы гістарычныя аўтамабілі маюць спецыяльныя жоўтыя нумары, і іх колькасць ужо перавысіла 60000. Для аптымізацыі працэсу Ваяводскае ўпраўленне аховы помнікаў у Беластоку прапанавала браць на ўлік толькі тыя транспартныя сродкі, якім 50 гадоў і больш.
Беларускае Радыё Рацыя
