У беластоцкім Музеі памяці габрэяў “Miejsce” адбыўся спектакль аматарскага тэатра з Тыкоціна, прысвечаны Хануцы. Для гасцей прагучалі спевы, запальваліся падсвечнікі, прайшло ханукальнае шэсце, а таксама – лекцыя пра сутнасць Ханукі і яе значэнне ў юдаізме.
Важнасць такіх мерапрыемстваў для ўсіх меншасцяў на Падляшшы адзначыў актывіст Miejsce Аляксандр Сосна:
– Як пытаюцца ў мяне “хто я?”, я адказваю: з роду – беларус, сэрцам я, як Шапэн, паляк, душой – габрэй, а валанцёрам – эсперантыст. Беларуская меншасць, габрэйская меншасць, і хто як кажа з беларускай меншасці, то я прызнаюся, што я ўкраінец то ўкраінец, беларус то беларус, габрэй то габрэй для таго, што трэба абараняць меншасць.
Ханука ў Беларусі і Польшчы, як і ва ўсім свеце, адзначаецца 8 дзён. У гэтым годзе святкаванні пачнуцца ўвечары 25 снежня і скончацца 2 студзеня 2025 года.
Цалкам матэрыял слухайце ў далучаным файле:
Беларускае Радыё Рацыя
