BY
PL
EN

Беларускае Радыё Рацыя. 98,1 FM – Беласток, Гародня. 99,2 FM – Берасце

Радыё ONLINE

У Беластоку пройдзе акцыя “Разам супраць расейскай агрэсіі”

Беларуская Дыяспара Беластока запрашае на акцыю “Разам супраць расейскай агрэсіі” з нагоды гадавіны пачатку вайны Расеі супраць Украіны, якая адбудзецца каля помніка Пілсудскаму на рынку Касцюшкі.

Усе мы ведаем, для каго гэтая вайна сапраўды Айчынная, а хто ў ёй – фашыст.

Буча, Ірпень, Гастомель, Харкаў, Марыупаль, Мікалаеў, Севераданецк, Бахмут, Аўдзееўка, Энергадар – мірныя ўкраінскія гарады, якія амаль знішчылі і ў якіх забілі тысячы мірных грамадзян рашысты-“асвабадзіцелі”.

Вечная памяць забітым!

Слава героям!

Мы верым, што негледзячы на ўвесь боль, жах і цемру, Украіна пераможа! Інакш проста не можа быць.

Мы ганарымся нашымі суайчыннікамі, якія са зброяй у руках бароняць не толькі краіну-суседку, але і нашу беларускую годнасць.

І, канешне, ганьба рэжыму Лукашэнкі, які зрабіў нашую Радзіму плацдармам для расейцаў.
Усе мы марым пра мір.

Слава Украіне

Жыве Беларусь

Салідарнасць – наша сіла.

Падтрымайце ўкраінцаў у вельмі цяжкі для іх народа час сваёй салідарнасцю.