24 жніўня а 17-й ад Катыньскага Пляцу каля Падляшскай філармоніі стартуе 9-ы “Пелетон Памяці” — штогадовая ініцыятыва Музея Памяці Сібіры. Маршрут даўжынёй каля 8 км праляжа праз гістарычныя мясціны Бяластока, звязаныя з савецкімі рэпрэсіямі, у тым ліку следчы ізалятар, дзе будзе прадстаўлены рэквізіт з фільма “Катынь” Анджэя Вайды.
На адмысловай прэс-канферэнцыі Прэзідэнт Беластока Тадэвуш Трускаляскі падкрэсліў значэнне ініцыятывы:
– Гэтая падзея прымеркаваная да гадавіны падпісання пакта Рабентропа-Молатава, які прывёў да чацвёртага падзелу Польшчы. Згодна з гэтым пактам, савецкія войскі ўвайшлі ў Польшчу. У прыватнасці, яны спыніліся дзесьці ў Беластоку, і немцы мірна пакінулі Беласток.
Як адзначыў дырэктар Музея Памяці Сібіры, прафесар Войцех Слешыньскі ініцыятыва мае міжнародны размах і пройдзе таксама ў Латвіі, Літве і Малдове:
– Гэта міжнароднае мерапрыемства, і мы падтрымліваем сувязь з Кіевам і чакаем моманту, калі мы там зможам праехаць на роварах па горадзе. За дзень да пелетону мы адкрываем выставу “Сібір – турма народаў” у Нацыянальным музеі Малдовы ў Кішынёве. І гэта будзе першая выстава, якую мы хочам прадставіць у розных частках свету.
Да ўдзелу ў велапрабегу “Пелетон Памяці” запрашаюцца ахвочыя ўсіх узростаў. Запісацца можна да 13 жніўня або да вычарпання стартавых набораў праз форму: tiny.pl/5zskyr-0
Кожны, хто зарэгіструецца, атрымае пацвярджэнне на e-mail да 18 жніўня 2025 года.
Цалкам матэрыял:
Беларускае Радыё Рацыя
Фота MPS
