З 3-га па 16-е жніўня на яўрэйскіх могілках у Беластоку (вуліца Усходняя) адбудуцца рэвіталізацыйныя працы. Ініцыятыва рэалізуецца дзякуючы The Bialystok Cemetery Restoration Fund (BCRF) — арганізацыі, заснаванай Эмі і Джошам Дэгэнамі з ЗША. Працы праводзяцца ў партнёрстве з Музеем памяці яўрэяў Беласточчыны “MIEJSCE”.
Кажа валанцёр музея, каардынатар праекту Зося Пех:
– Валанцёрам можа быць той, хто выкажа жаданне, зацікаўленасць, хто хоча ўкласці свае сілы і час у рамонт гэтых могілак. Надмагіллі, то бок мацэвы, трэба чысціць і для гэтага трэба шмат рук. Усё, што вам трэба, гэта жаданне. Веданне іўрыту вітаецца, але, канешне, гэта не абавязкова. Як я ўжо сказала, самае галоўнае – гэта жаданне.
Сёлетняя ініцыятыва — працяг штогадовых валанцёрскіх праектаў, якія праводзяцца ў Беластоку з 2016 года. Звычайна ўдзел у іх бяруць асобы з ЗША, Ізраіля і краін Еўропы, а працы вядуцца ў цесным супрацоўніцтве з мясцовымі ўладамі, гісторыкамі і архітэктарамі.
Валанцёраў забяспечваюць працоўнымі інструментамі, пітной вадой і пачастункамі.
Валанцёры могуць запісвацца праз электронную пошту: zpoznanska833@gmail.com
Цалкам матэрыял:
Беларускае Радыё Рацыя
