Самае вялікае афіцыйнае мерапрыемства адбылося сёння на плошчы Таненбаўма, на якім прысутнічала больш за сотню афіцыйных прадстаўнікоў кіраўніцтва гораду, дыпламатычнага корпусу і розных грамадскіх арганізацый.
Перад прысутнімі выступіў прэзідэнт Беластоку Тадэвуш Трускаляскі:
-Удзельнікі гэтага гістарычнага паўстання бачылі, што не перамогуць гэтай машыны Суднага дня, але вырашыліся на ўзброенае паўстанне, выбралі смерць са зброяй у руках.
Па словах Дарэка Шродо-Бошэшкоўскага з «Таварыства габрэйскай культуры», у ваяроў гета не было іншага выйсця:
-Падпольны габрэйскі рух прыняў рашэнне ў сітуацыі экстрэмальнай, бо было вядома, што гэтае паўстанне не мела шанцаў на перамогу. Але калі загінуць, то загінуць вольнымі людзьмі.
Каля помніка ваярам гета ў Беластоку апроч афіцыйных прамоваў адбылося ўскладанне кветак ад уладаў гораду, вайскоўцаў, дыпламатаў і грамадскасці гораду.
Цалкам матэрыял:
* * *
14 жніўня ў Беластоку адзначаюць 82-ую гадавіну паўстання ў гета. Каля помніка загінулых вязняў беластоцкага гета на плошчы Таненбаўма адбылася акцыя памяці. Прысутнічалі амбасадары Нямеччыны і Ізраіля, прэзідэнт Беластока, ваявода і прадстаўнікі габрэйскіх арганізацый.
З прамовай выступіў амбасадар Ізраіля.
Слова ўзяў ваявода Падляскі
Адбылася малітва за памерлых на чале з галоўным рабінам.
Прайшла і экуменічная малітва – сумесная малітва прадстаўнікоў розных хрысціянскіх канфесій, накіраваная на еднасць хрысціян.
Да помніка ахвярам беластоцкага гета ўсклалі кветкі.
Беларускае Радыё Рацыя
