У Беластоку ў мінулыя выходныя ў межах святкавання Дня Волі прайшла пешаходная гарадская гульня «Ад Грынявіцкага да Пілсудскага», якая стала заключным этапам імпрэзаў і была прысвечана гісторыі нацыянальных рухаў і станаўлення дзяржаўнасці.
Пра гульню распавядае адна з удзельніц Вольга:
–Спадабалася. Я гуляла ўвогуле першы раз, і калі спачатку ўбачыла заданні, я спужалася, думаю, я такая дурная, навошта я сюды прыйшла. А ў выніку мы прыйшлі першыя. І нават я дзесьці таксама штосьці адказвала і дапамагала знайсці. І мне гэта сама больш спадабалася. Цікава вельмі было, даведалася новае пра Беласток, пра тое, як ён звязаны з Беларуссю.
Па словах іншых ўдзельнікаў, такія гульні дазваляюць аб’яднаць намаганні розных асяродкаў вакол агульнай мэты — папулярызацыі гістарычнай памяці і каштоўнасцей свабоды.
Беларускае Радыё Рацыя
