У Беластоку пабачыла свет кніга з рэцэптамі пад назвай «Паўмесяц на талерцы: традыцыйныя татарскія рэцэпты». Выданне ўключае актуальныя рэцэпты татарскіх страў з Падляшша, якія за два гады палявых выездаў па рэгіёне змаглі сабраць даследчыцы Катажына Енджэйчык-Куліняк і Барбара Паўліч-Міськевіч.
Кнігу прадставіла суаўтарка Барбара Паўліч-Міськевіч:
-Збіралі тут, на Падляшшы: у Беластоку, Сухаволі, Саколцы, Багоніках, у Крушынянах у 2012 годзе. А ў гэтым годзе ў асноўным – Багонікі і Беласток, дзе самая шматлікая грамада. І члены сям’і маёй і мужа, члены мусульманскай рэлігійнай абшчыны ў Беластоку, Багоніках, Крушынянах перадавалі нам разнастайныя заўвагі, прапановы, гісторыі.
Кніга была выдадзена пры падтрымца Мусульманскага рэлігійнага саюза ў Рэспубліцы Польшча. Выданне можна набыць у мячэці ў Беластоку.
Цалкам матэрыял у далучаным гукавым файле:
Беларускае Радыё Рацыя
