Эканамічны суд Берасцейскай вобласці аштрафаваў мясцовага жыхара на 1200 рублёў за дзейнасць, «накіраваную на сістэматычнае атрыманне прыбытку ад аказання паслуг у прадастаўленні ўезду па-за чаргой у пункт пропуску».
Як адзначаецца ў паведамленні прэсавай службы, у судзе разглядалі эпізод, які меў месца 7 сакавіка, калі мужчына прапанаваў за 170 даляраў сваю дапамогу для больш хуткага перасячэння мяжы.
Высветлілася, што ён спрабаваў прадаць месца ў аўтамабільнай чарзе супрацоўніку падатковай інспекцыі па Берасцейскай вобласці.
Як вынікае з судовага рашэння, гэтая сітуацыя была правакацыяй, каб атрымаць доказы яго «супрацьпраўнай дзейнасці».
Беларускае Радыё Рацыя
