У будынку Цэнтра беларускай культуры ў Вільні пабілі шыбы, небяспекі для наведнікаў няма. На месцы здарэння выклікалі паліцыю. Дырэктарка віленскага Цэнтру беларускай супольнасці і культуры Людвіка Кардзіс расказала, што паліцыянты агледзелі месца здарэння і склалі адпаведныя дакументы.
Гэта не першы напад на беларускую ўстанову за апошні час у Вільні. Нагадаем, што ў ноч на 28 ліпеня на будынку беларускай крамы Kropka невядомыя пакінулі абразлівы надпіс на літоўскай мове, апроч гэтага, у краме разбілі шыбы.
