Не будзе вуліцы імя прафесара Яна Чыквіна ў Дубічах Царкоўных, застанецца Паркавая, якой была тут заўсёды. Так вырашылі радныя на сённяшнім паседжанні рады, сказаў нашаму радыё радны гміны з Істока.
Ініцыятарам названня вуліцы выступіла Таварыства Музея малой айчыны ў Студзіводах з просьбай ушанаваць памяць выдатнага беларускага паэта і навукоўца, які памёр у 2022 годзе.
Ян Чыквін, нарадзіўся ў Дубічах, быў выкладчыкам Варшаўскага і Беластоцкага ўніверсітэтаў. Ён быў аўтарам шматлікіх навуковых прац па беларускай і расейскай літаратуры, паэтам і перакладчыкам паэзіі, а таксама членам Саюза польскіх пісьменнікаў і Беларускага літаратурнага аб’яднання «Белавежа», старшынём якога ён быў з 1989 года да сваёй смерці.
За працу на ніве беларускай культуры быў узнагароджаны, сярод іншых узнагарод, Залатым медалём «За заслугі перад культурай» — Gloria Artis.
Беларускае Радыё Рацыя
