XYLOPOLIS — Цэнтр мастацтва і навукі пра дрэва — будзе пабудаваны ў Гайнаўцы. Пра гэта было абвешчана падчас прэс-канферэнцыі, удзел у якой узялі маршалак Падляшскага ваяводства Лукаш Пракорым, члены кіраўніцтва ваяводства і прадстаўнікі мясцовага самакіравання.
Кажа радны і ўраджэнец Гайнаўкі Ігар Лукашук:
– Асабіста вельмі цешуся, што ўдалося неяк вярнуць да жыцця праект. А яшчэ цешуся, што гэта будзе рэалізоўвацца менавіта ў Гайнаўцы, таму што ад самага пачатку для мяне было зразумела, што менавіта Гайнаўка павінны быць тым месцам, дзе XYLOPOLIS будзе развівацца яшчэ ў такім сінхроне з Белавежскай пушчай і з гісторыяй Гайнаўшчыны.
Бурмістр Гайнаўкі Ірэнеуш Кендзісь нагадаў, што горад амаль стагоддзе таму вырас, дзякуючы дрэваапрацоўчай прамысловасці:
– Гайнаўка – найлепшае месца для пабудовы такога цэнтра. Мы ведаем, што Гайнаўка вырасла з лесу, калісьці мела ўсяго 100 жыхароў у міжсезонны перыяд. Дзякуючы лясной прамысловасці насельніцтва тут вырасла да 16 000. У лепшы перыяд цяпер там да 25 000. На жаль, лясной прамысловасці няма, але ў нас вельмі вялікія традыцыі.
Цэнтр, прысвечаны ролі дрэва ў культуры, навуцы і эканоміцы, будзе размешчаны на 7-гектарным участку на вуліцы Доўгірда, на выездзе з Гайнаўкі ў бок Белавежы. Горад Гайнаўка перадасць гэты ўчастак для рэалізацыі інвестыцыйнага праекта. Здача асноўнага аб’екта праекта запланавана на 2029 год.
Цалкам матэрыял:
Беларускае Радыё Рацыя
Фота UWP
