Міністр абароны і старшыня Камітэта Сейма ў нацыянальнай бяспецы і абароне Літвы прапануюць выключыць літоўцаў з беларускім і расейскім грамадзянствам з Узброеных сіл Літвы, паведамляе LRT.
Адпаведныя папраўкі да закона ўжо зарэгістраваныя. Згодна з імі, грамадзяне Літвы, якія таксама маюць грамадзянства краін, з якіх забаронены ўезд у Літву, не будуць дапускацца да прафесійнай ваеннай службы. Калі чалавек ужо служыць у войску і пры гэтым атрымаў грамадзянства, то ён будзе звольнены з ваеннай службы.
Прапанаваныя новаўвядзенні тлумачацца неабходнасцю гарантый, што грамадзянства названых дзяржаў не зробіць вайскоўцаў аб’ектам цікавасці і вярбоўкі.
