Ахвотных даставіць аўтобус з Бельска-Падляшскага.
Фота: bielsk.eu
У пятніцу, 25 ліпеня, пачынаецца ўжо ІІІ выпуск музычнага фестывалю «Нягледзячы ні на што, ШАЛОМ», які з 2022 года аб’ядноўвае людзей вакол музыкі і памяці пра шматкультурную спадчыну Орлі. Фестываль узнік як ініцыятыва саміх жыхароў і Фонду EDM.
«Нягледзячы ні на што, ШАЛОМ» — гэта падзея, якая яднае гісторыю з сучаснасцю, лакальнасць з адкрытасцю. Яе непаўторную атмасферу стварае месца правядзення — проста каля адной з сямі найбольш пад пагрозай знікнення сінагог Еўропы (спіс Europa Nostra 2025).
У праграме фестывалю — шматлікія канцэрты, лекцыі, сустрэчы і майстар-класы.
Ахвотныя змогуць дабрацца да Орлі фестывальным аўтобусам, які ў суботу і нядзелю а 17:00 будзе выязджаць ад будынка Гарадской управы ў Бельску-Падляшскім. Вяртанне з Орлі запланавана на 22:00.
