Ян Матэйка. Бітва пад Грунвальдам
З 9 па 13 ліпеня на полі каля Грунвальда праходзіў фестываль гісторыі, традыцый і рыцарскай культуры. У яго межах адбылася інсцэніроўка Грунвальдскай бітвы.
Штогадовая імпрэза прайшла 27-мы раз, удзел прынялі больш за 1400 рэканструктараў з усяго свету. Аб’яднаныя войскі Вялікага Княства Літоўскага і Кароны Польскай разбілі свайго даўняга ворага – рыцараў–крыжакоў.
Таксама падчас фэсту ў рыцарскіх і рамесных лагерах можна было ўбачыць працы кавалёў, ткачоў, ганчароў, а таксама паспрабаваць рэгіянальныя стравы. Для дзяцей праходзілі конкурсы, гульні і турніры, а таксама мастацкія выступленні і анімацыі. Па вечарах гучалі канцэрты старадаўняй і народнай музыкі, а таксама вогненныя шоу і відовішчныя сцэнічныя дэбюты.
