Колькасць польскіх вайскоўцаў, якія вырашылі сыйсці са службы, расце, нягледзячы на адначасовае павелічэнне колькасці тых, хто прыходзіць служыць, паведамляе сёння “Rzeczpospolita”. Гэтая тэндэнцыя захоўваецца, нягледзячы на змену ўрада ў Польшчы.

З дадзеных, прадстаўленых прэс-аддзелам Міністэрства нацыянальнай абароны, вынікае, што на канец гэтага года ў польскіх Узброеных Сілах служыла больш за 205 тыс.салдат.
Для параўнання, у канцы снежня 2023 года на службе знаходзілася больш за 191 тыс. салдат.
“Rzeczpospolita” паведамляе, што ў 2024 годзе форму знялі звыш 19 тыс. салдат. Столькі ж пакінула шэрагі арміі годам раней. Для параўнання, у 2022 годзе форму знялі амаль 16 тыс. вайскоўцаў.