У сераду раніцай пачаліся трэція суткі пошуку расейскага авіяаб’екта, які заляцеў на тэрыторыю Польшчы і знік з радараў у раёне гміны Тышаўцы (Люблінскае ваяв.), паведамляе pap.pl.
Fot. PAP/Wojtek Jargiło
Жаўнеры WOT абшукваюць мясцовасць, у тым ліку: у гміне Лабунье ў павеце Замосце. Прэс-сакратар Аператыўнага камандавання відаў узброеных сіл (DORSZ) падпалкоўнік Яцэк Гарышэўскі паведаміў PAP, што пошукі аб’екта будуць працягнуты ў сераду як з зямлі, так і з паветра. Таксама плануецца коннае патруляванне, а таксама выкарыстанне верталётаў і беспілотных лятальных апаратаў FlyEye.
«Сёння была вызначана зона пошуку на захад ад мястэчка Воліца Сняціцкая (Замошскі павет). У асноўным мы правяраем незаселеныя тэрыторыі, такія як лясы, лугі і палі. Раён быў абраны па запісах радара і магчымай траекторыі палёту аб’екта. Ніякіх сігналаў ад сведкаў здарэння ў нас пакуль няма», — растлумачыў прэс-сакратар.
Вайскоўцы не выключаюць, што аб’ект мог не ўпасці ў Польшчы, а паляцець далей або павярнуць назад, але радыёлакацыйныя сістэмы не змаглі гэтага зафіксаваць.
