Агенцтва ўнутранай бяспекі Польшчы (ABW) паведаміла пра затрыманне грамадзянкі Беларусі паводле абвінавачвання ў шпіянажы на карысць КДБ. Жанчыну затрымалі 20 снежня, піша Reform.by.
Па версіі ABW, на працягу некалькіх месяцаў яна перадавала КДБ інфармацыю аб беларускай дыяспары ў Польшчы, а таксама арганізацыях, якія аб’ядноўваюць грамадзян Польшчы беларускага паходжання і грамадзян Беларусі, якія прыехалі ў краіну.
Былі праведзеныя ператрусы, допыты сведак, канфіскаваныя носьбіты інфармацыі ў некалькіх месцах. Падазраванай выстаўлена абвінавачванне ў шпіянажы. Акруговы суд Варшавы санкцыянаваў арышт жанчыны на тры месяцы.
Расследаванне справы вядзе аддзяленне ABW у Беластоку пад кантролем Мазавецкага аддзялення ўпраўлення па барацьбе з арганізаванай злачыннасцю і карупцыяй Нацыянальнай пракуратуры ў Варшаве.
