У польскай сістэме сацыяльнага страхавання на канец лістапада 2024 года было зарэгістравана 135 тысяч 700 грамадзян Беларусі. Такія дадзеныя змяшчаюцца ў статыстыцы ўпраўлення сацыяльнага страхавання (ZUS).
У параўнанні з чэрвенем колькасць нашых суайчыннікаў, зарэгістраваных у польскай сістэме сацстрахавання, вырасла на 1,7 тыс. чалавек, а з пачатку года – на 6,7 тыс.
Усяго ж у польскай сістэме сацстраху налічваецца крыху больш за 1,2 млн замежнікаў. Найбольш шматлікай групай замежнікаў, якія працуюць у Польшчы, з’яўляюцца грамадзяне Украіны. У ZUS было зарэгістравана 794 тысяч чалавек. Беларусы знаходзяцца на другім месцы. Трэцяе – у грамадзян Грузіі – амаль 27 тысяч чалавек.
