У раёне Запарожскай атамнай электрастанцыі ўстанавілі часовае лакальнае перамір’е паміж Расеяй і Украінай. Пра гэта паведамляе агенцтва Reuters са спасылкай на генеральнага дырэктара МАГАТЭ Рафаэля Гросі.
Бакі дамовіліся аб прыпыненні баявых дзеянняў у гэтым сектары на некалькі дзён. Галоўная мэта паўзы — даць магчымасць аварыйным брыгадам правесці тэрміновы рамонт ліній электраперадач.
Вядома, што падчас спынення агню павінны аднавіць перадачу электраэнергіі паміж размеркавальнымі падстанцыямі ЗАЭС і Запарожскай цеплаэлектрастанцыі.
