Расейскія СМІ паведамляюць, што МУС Расеі шукае «арганізатараў беларускага экстрэмісцкага фармавання «Пагоня«, якое рыхтавала баевікоў», – Вадзіма Пракопʼева і Валера Сахашчыка, паведамляе праваабарончы цэнтр «Вясна». Гэта вынікае з базы вышуку МУС Расеі.
Фота: “Вясна”
Вадзім Пракопʼеў – палітык, грамадскі дзеяч, сябра Каардынацыйнай Рады. У мінулым бізнесовец, рэстаратар.
Валер Сахашчык у мінулым быў камандзірам 38-й дэсантнай брыгады ў Берасці. Падпалкоўнік паветрана-дэсантных войскаў. Потым шмат гадоў займаўся бізнесам у Польшчы. У 2022 годзе ён стаў прадстаўніком Пераходнага кабінету Святланы Ціханоўскай па пытаннях абароны і нацыянальнай бяспекі.
Ідэйнымі натхняльнікамі стварэння палка «Пагоня» былі Вадзім Пракоп’еў і Валер Сахашчык. Полк – гэта выключна намінальная назва. «Пагоня» вядомая грунтоўнай падрыхтоўкай добраахвотнікаў, якая адбываецца і ва Украіне, і ў Еўразвязе.
