У Міністэрстве замежных спраў РФ заявілі пра абмежаванне ў Расеі з 25 чэрвеня доступу да сайтаў 81 еўрапейскага выдання, У знешнепалітычным ведамстве РФ заявілі, што рашэнне стала «крокам у адказ» на дзеянні Рады Еўразвязу, які 24 чэрвеня прыняў рашэнне аб блакіроўцы на тэрыторыі ЕЗ сайтаў чатырох расейскіх СМІ: Voice of Europe, дзяржагенцтва РІА «Новости», а таксама «Известий» і «Российской газеты».
Фото: Yaghobzadeh Alfred/ABACA/picture alliance
Пад блакаванне ў Расеі падпадуць сайты выданняў з 25 краін ЕЗ, у тым ліку Нямеччыны, Францыі, Гішпаніі, Італіі, Чэхіі, Швецыі, Польшчы і Фінляндыі, Мальты, Ірландыі, а таксама агульнаеўрапейскіх СМІ. Ад AFP да Spiegel і El País.
«У выпадку, калі абмежаванні адносна расейскіх СМІ будуць знятыя, расейскі бок таксама перагледзіць сваё рашэнне адносна згаданых мэдыяаператараў», – заявілі ў МЗС РФ.
