Праект закона «Аб кампенсацыях ахвярам і сем’ям ахвяраў злачынстваў здзейсненых на фоне нацыянальнай, рэлігійнай ці расавай прыналежнасці ў гадах 1945 –1946» трапіць на галасаванне ў Сейме Польшчы на найбліжэйшым паседжанні.
Паведаміў 29 студзеня ў Залешанах Маршалак Сейму Уладзімеж Чажасты:
– Праект закона будзе разгледжаны на бліжэйшым паседжанні Сейму. Пабачыце хто за яго будзе галасаваць. Калі будзе большасць галасоў, то закон пойдзе да прэзідэнта. І тут зноў пытанне: падпіша прэзідэнт, ці не.
Праект закона прадугледжвае між іншым аднаразовую кампенсацыю сем’ям ахвяраў у памеры 50 тысяч злотых. Калі Сейм зацведзіць праект, яго павінен яшчэ падпісаць прэзідэнт Польшчы.
Беларукае Радыё Рацыя
