Сёлетнія 24-я Беластоцкія дні Заменгофа пачаліся з прэзентацыі кнігі “Бой і Халакост Беластоцкага гета” Шымона Датнера.
Кніга была прадстаўлена ў двухмоўным выданні на польскай мове і эсперанта ў сценах Цэнтра імя Людвіка Заменгофа. Кажа навуковы рэдактар выдання Ева Рагалеўска:
– Гэта вельмі важная кніга не толькі для гісторыі Беластока, але і для габрэяў на свеце. Аўтар упершыню апісаў змаганне і паўстанне ў Беластоцкім гета. Дагэтуль гэта кніга з’яўляецца кампендыюмам ведаў пра гэта. Гэта кніга была напісана ў снежні 1945, калі аўтар яшчэ не ведаў усяго, што адбывалася. Цяпер мы больш ведаем пра тое, што адбывалася ў Беластоцкім гета.
Вядома, што радныя горада Беластока ў межах сёлетняга святкавання 80-годдзя паўстання ў Беластоцкім гета прынялі пастанову аб наданні прозвішча гісторыка тых падзей вуліцы, якая знаходзіцца ў раёне Багноўка ў Беластоку. Гэтая вуліца будзе насіць імя Шымона Датнера.
Праграма 24-х Беластоцкіх дзён Заменгофа.
Беларускае Радыё Рацыя
