У горадзе Тэрнопаль прайшла сустрэча кіраўніка беларускага фонду Аляксея Францкевіча з мэрам Тэрнопаля Сяргеем Вітальевічам Надалам. Бакі пазнаёміліся і абмеркавалі напрамкі дзейнасці фонду, а таксама магчымасці супрацоўніцтва..
Кажа кіраўнік фонду «Вільна Білорусь» Аляксей Францкевіч:
– У Тэрнопалі праходзіла выстава, прысвечаная беларускім загінулым героям “З Украінай у сэрцы”. У нас ужо даўно там ёсць стасункі з мясцовымі арганізацыямі. Да таго ў Тэрнопалі жывуць прадстаўнікі беларускай дыяспары. Праз мясцовых актывістаў мы дамовіліся на сустрэчу з мэрам Тэрнопаля, каб пазнаёміцца, каб прадставіць прадстаўнікоў беларускай дыяспары, якія на сёння ёсць у Тэрнопалі.
Падчас сустрэчы прадстаўнікі фонду прапанавалі запусціць у Тэрнопалі акцыю, у межах якой гарады Украіны выказваюць падзяку краінам, што аказваюць падтрымку Украіне ў барацьбе з расескай агрэсіяй. Акрамя таго, былі прадстаўлены прадстаўнік беларускай дыяспары ў Тэрнопалі і дасягнута дамоўленасць аб супрацоўніцтве з кіраўніком дэпартамента культуры гарадской рады.
Цалкам матэрыял слухайце ў далучаным файле:
Беларускае Радыё Рацыя
Фота фонду «Вільна Білорусь»
