Узброеныя Сілы Украіны выкарысталі ўсе дальнабойныя ракеты ATACMS, якія яны ўжывалі для ўдараў па тэрыторыі Расеі, паведамілі Associated Press неназваны амерыканскі чыноўнік і сябра Камітэта абароны Вярхоўнай Рады.
Са слоў суразмоўцы агенцтва з ЗША, усяго Вашынгтон даў Кіеву менш за 40 дальнабойных ракет. Пры гэтым яны скончыліся, праўдападобна, яшчэ ў канцы студзеня.
УСУ выкарыстоўвалі ATACMS для ўдараў па Курскай, Бранскай, Белгародскай і Растоўскай абласцях.
19 і 21 лістапада пад ударам амерыканскіх ракет былі ваенныя аб’екты ў Бранскай і Курскай абласцях. Апошняй цэллю атакі стаў камандны пункт групоўкі „Поўнач“.
