Арт-маркет, прысвечаны Дню ўсіх закаханых, адбудзецца ў Варшаве 11-га лютага. Падзея будзе прымеркаваная да Дня ўсіх закаханых і адбудзецца ў клубе Scena Chmielna (Nowy Świat 27a).
Распавядаюць арганізатаркі івэнту Марыя Кашапава і Любоў Шыбаршына:
-У нас будзе вялікі маркет на два паверхі. Будзе фотазона. Рыхтуем сюрпрызы. Як заўсёды, у нас будзе партнёр “Варшаўскае мяса”, таму што мужчын трэба парадаваць мясам. Акрамя вырабаў майстроў, якія можна будзе набыць, можна будзе таксама азнаёміцца з прадстаўнікамі б’юці-індустрыі.
-Мы заўсёды прадугледжваем такі варыянт, каб і для саміх майстроў былі таксама цікавыя рэчы зробленыя.
Такім чынам, удзельнікі Арт-маркету таксама змогуць далучыцца да актыўнасцяў.
Марына Савіцкая, Беларускае Радыё Рацыя
