BY
PL
EN

Беларускае Радыё Рацыя. 98,1 FM – Беласток, Гародня. 99,2 FM – Берасце

Радыё ONLINE

У Варшаве адкрыецца выстава “Муры”

У Варшаве ў нядзелю, 19-га траўня, адбудзецца адкрыццё інтэрактыўнай выставы «Муры», прысвечанай беларускім палітвязням.  

“Запрашаем усіх далучыцца да нашай падзеі”, – заклікаў суарганізатар мерапрыемства Васіль Плешкуноў. Ён падкрэсліў: “Нават цяпер мы не ведаем дакладную лічбу палітзняволеных”:

–  Мы зараз насамрэч не ведаем колькі, таму што па адных падліках іх 1400, па іншых – 2000. Мы сабралі больш за 1500 фотаздымкаў палітвязняў. І гэтыя фота будуць клеіцца на тыя муры, якія будуць стаяць на той самай плошчы, дзе помнік Каперніка, дзе мы заўсёды збіраемся.

Таксама падчас акцыі з прамовамі выступяць палітычныя і грамадскія дзеячы.

Падзея арганізавана Беларускай асацыяцыяй палітвязняў «Да Волі» пры дапамозе Народнага антыкрызіснага ўпраўлення, Музея Вольнай Беларусі, Прадстаўніцтва па нацыянальным адраджэнні Аб’яднанага Пераходнага Кабінета, Беларускага Моладзевага Хаба, Reforum Space Warsaw, а таксама Беларускага Радыё Рацыя.

Беларускае Радыё Рацыя