У Варшаве адкрылася новая рэстарацыя Królewska Kawa. На падзеі выступілі беларускія музыкі Яўген Курыльчык і гурт Lity Taler, разгарнуўся нацыянальны арт-маркет Art Craft House, прайшлі майстар-класы для дзяцей, а таксама адбыліся дэгустацыі напояў і смачнасцяў.
Пра асаблівасці новай установы распавядае яе кіраўнік Алесь:
– Першая асаблівасць, гэта канцэптуальная асаблівасць. Мы расказваем праз каралеўскую канцэпцыю гісторыю Вялікага Княства Літоўскага, гісторыю сваёй радзімы, пра важныя факты з жыцця беларусаў. Таксама мы ствараем месца, у якім могуць сустрэцца людзі розных нацыянальнасцяў, якія могуць паразмаўляць. Мы зрабілі някепскую кавярню з пункту гледжання на speciality coffee.
Новая кавярня размясцілася ў цэнтры Варшавы па адрасе Nowy Swiat 1.
Беларускае Радыё Рацыя
