У Варшаве прайшоў фестываль «Я радуюся мне» ў фармаце адпачынку на лецішчы. Фестываль праходзіў на сапраўдных лецішчах, якія захаваліся ў цэнтры Варшавы. Былі арганізаваны шматлікія майстар-класы для дзяцей напярэдадні Міжнароднага дня абароны дзяцей.
Гаворыць удзельніца фестывалю Вольга Пашковіч:
– Праводзілася розныя і варштаты, і песні, і танцы, там увогуле было весела ў стылі дачнага адпачынку. А я праводзіла варштат па ляльках. Як заўсёды было вельмі цікава. Гэты фестываль быў спалучэннем працы розных людзей. Я бачыла, што там і ежу гатавалі, і квілінг быў, танцы, спевы. Мяркую, што некалькі арганізацый аб’ядналіся, каб правесці вось такі адпачынак для дзяцей.
Трэба адзначыць, што Вольга Пашковіч прафесійна авалодала майстэрствам па вырабу беларускіх лялек-мотанак. Яна мае калекцыю з такіх лялек, якую ўбачылі ўжо ў Брытаніі і Украіне.
Цалкам матэрыял:
Беларускае Радыё Рацыя
