У Варшаве прэзентуюць эратычна-музычную чытку п’есы Францішка Аляхновіча “Шчаслівы муж”.
Чаму беларускія тэатральныя дзеячы гэтым разам вырашылі засяродзіцца на лёгкім жанры, у размове з нашай карэспандэнткай Марынай Савіцкай патлумачылі акторка Вольга Каралёнак і рэжысёр Васіль Дранько-Майсюк:
– Увогуле ў нашым тэатры, у нашым мастацтве не хапае лёгкіх забаўляльных рэчаў для дарослых менавіта эратычнага кшталту, меладраматычнага, камічнага. У нас большасць спектакляў маюць палітычны характар, яны больш сур’ёзныя. А хочацца чагосьці несур’ёзнага. Хочацца не толькі есці такую правільную страву, а хочацца і пірожнае.
Пра агульны і сучасны стан беларускай тэатральнай культуры, стасункі з паплечнікамі, міжнародны досвед і пастаноўкі для дзяцей Вольга Каралёнак і Васіль Дранько-Майсюк распавядуць у праграме “Мы бачым”. Запрашаем сёння адразу пасля нашага эфіру. 18.10 паводле беларускага часу, 16.10 – польскі час.
Цалкам матэрыял слухайце ў далучаным файле:
Беларускае Радыё Рацыя
