У адказ на смяротны напад на лекара Кракава Галоўны медыцынскі савет арганізуе марш супраць нянавісці і агрэсіі. Такое рашэнне было прынята ўчора позна ўвечары на пасяджэнні медыцынскага самакіравання. Пра гэта паведамляе RMF FM. Марш пройдзе ў суботу, 10 траўня, на вуліцах Варшавы.
Гэта будзе так званы Марш цішыні. Акрамя лекараў, у ім прымуць удзел медсёстры, парамедыкі, фізіятэрапеўты, фармацэўты і лабараторныя дыягносты.
“Гэта будзе марш салідарнасці. Мы хочам лячыць, а не ўмацоўвацца ў нашых кабінетах, баючыся пацыентаў”, – падкрэсліў кіраўнік Галоўнай медыцынскай палаты доктар Лукаш Янкоўскі.
Учора ў Кракаве быў забіты лекар-артапед Кракаўскай універсітэцкай бальніцы Томаш Салецкі. У кабінет, дзе ён аглядаў пацыентку, уварваўся 35-гадовы мужчына і напаў на медыка з нажом. Лекар, нягледзячы на намаганні медыцынскага персаналу, памёр.
Беларускае Радыё Рацыя
Фота: INTERIA.PL
