Беларуская тэатральная студыя “Купалінкі” зладзіць святочную імпрэзу “Віка, Хросная і Калядныя цуды”. Імпрэза пройдзе ў Варшаве ў нядзелю, 19-га студзеня.
Як запэўніла кіраўніца студыі Наталля Локіць, “госць падзеі атрымае шмат задавальнення ад імпрэзы”:
-Па-першае, пабачыць спектакль. Спектаклем нават складана назваць – гэта такая імпрэза. Таму што шмат там ёсць: і гульні з публікай, і танцы, і песні і так далей. Але мы яшчэ пашырым і ў нас будуць бліны, печыва, цукеркі, вольны мікрафон. Усё тое, дарэчы, што мы вельмі любім на Купалле. Пасля Калядаў пара ўжо рыхтавацца – мы ж “Купалінкі”!
Падзея пройдзе ў Беларускім доме. Пачатак імпрэзы – у 15:00. На мінулым тыдні студыя “Купалінкі” зладзіла аналагічную праграму і ў Музеі Вольнай Беларусі. Вечарына прайшла пры поўнай зале.
Цалкам матэрыял слухайце ў далучаным гукавым файле:
Беларускае Радыё Рацыя
