У Цэнтры беларускай супольнасці і культуры ў Вільні пачаўся новы сезон Беларускай школкі. У занятках прымаць удзел пераважна могуць дзеці і падлеткі, але таксама прадугледжаныя актыўнасці і для дарослых, — адзначыла менеджарка праекту Марына Абрамовіч:
— Навучальны год пачаўся вельмі ўдала. У нас шмат вучняў. Вельмі цешыць, што далучалася шмат новых вучняў. Але мы гатовыя прыняць яшчэ. Таму калі хтось не ведае пра наш цудоўны праект, то мы запрашаем вас далучыцца. З гэтага года мы пакінулі і нашыя папулярныя гурткі, і дадалі нешта новае і цікавае. З гэтага года ў нас яшчэ дадатковы акцэнт менавіта на інтэграцыю, то бок больш літоўскай мовы будзе, больш гурткоў звязаных з літоўскай мовай, каб нашыя дзеці яшчэ інтэграваліся.
Цалкам слухайце ў далучаным гукавым файле:
Даведацца больш аб праектах і бягучую дзейнасць Цэнтра беларускай супольнасці і культуры ў Вільні можна, напрыклад, праз профіль у інстаграм пад назвай belarusiancentre_lt.
Беларускае Радыё Рацыя
