Украіна можа ўдарыць амэрыканскімі ракетнымі сыстэмамі ATACMS па Растоўскай вобласці Расеі. Пра гэта інфармуе The Wall Street Journal. Амерыканскі Інстытут вывучэння вайны і вашынгтонскі аналітычны цэнтр склалі карту з каля двумастамі ваеннымі мэтамі на тэрыторыі Расеі ў зоне дасяжнасці ATACMS, а пад прыцэлам у Растоўскай вобласці – ваенныя аэрадромы. Са свайго боку Расея выкарыстоўвае супраць Украіны ракеты КНДР з заходнімі кампанентамі, паведамляе CNN. Паводле ўкраінскага боку Расея сёлета запусціла каля 60 паўночнакарэйскіх ракет КN-23. Найважнейшыя кампаненты, якія выкарыстоўваюцца ў гэтых ракетах, вырабляюць 9 заходніх вытворцаў, у тым ліку кампаніі з ЗША, Вялікабрытаніі і Нідэрландаў, а некаторыя часткі вырабленыя летась. Адзінае, што з’яўляецца карэйскім, – гэта метал, які хутка іржавее, – цытуе CNN.
Беларускае Радыё Рацыя
