Сілы абароны Украіны паспяхова ўразілі і затапілі падводную лодку “Растоў-на-Доне” ў часова акупаваным Крыме. Пра гэта паведамляе Генеральны штаб ВСУ ў сацыяльнай сетцы Facebook.
“Сілы абароны Украіны нанеслі ўдары па падводнай лодцы і зенітным ракетным комплексе С-400 ворага ў часова акупаваным Крыме”, – адзначаецца ў паведамленні.
У прыватнасці, паводле пацверджанай інфармацыі, учора падраздзяленнямі ракетных войскаў, ва ўзаемадзеянні з падраздзяленнямі Ваенна-марскіх сіл Узброеных сіл Украіны істотна пашкоджаны 4 пускавыя ўстаноўкі ЗРК “Трыумф”. Таксама ў порце Севастопаля паспяхова разьбітая падводная лодка чарнаморскага флоту РФ “Растоў-на-Доне”.
“У выніку траплення лодка затанула на месцы”, – адзначаецца ў паведамленні.
Як удакладнілі ў Генштабе, падводная лодка Б-237 “Растоў-на-Доне” з’яўляецца адной з чатырох падводных лодак класа “Kilo”, здольных прымяняць ракеты “Калібр”.
Вядома, што “Растоў-на-Доне” быў уведзены ў эксплуатацыю 26 снежня 2014 года.
Раней, 13 верасня 2023 года ў выніку ўкраінскага ракетнага нападу судна атрымала істотныя пашкоджанні.
