У Варшаве адбылася ўкраінская акцыя, прымеркаваная да Дня абаронцаў – ён адзначаўся 1 кастрычніка. Цяпер жа падчас падзеі ўдзельнікі рабілі свечкі, якія затым будуць накіраваныя ваярам.
Распавядаюць валанцёркі ініцыятывы “Еўрамайдан-Варшава” Наталля і Ніна Ткачук:
– Мы штогод, ужо трэці год запар, арганізоўваем такую акцыю, каб зрабіць траншэйныя свечкі, каб ваяры маглі сагрэцца ў акопах, сагрэць сабе гарбату, каву ды і выкарысталі на іншыя патрэбы. Асабіста я скупляла вялікую колькасць банак з-пад кукурузы, прасіла знаёмых, каб яны не выкідалі гэтыя банкі, бо яны нам будуць патрэбныя. Таксама заахвоціла сваіх сяброў, каб яны нам дапамаглі і каб акцыя мела большы розгалас.
– Гэты мой спосаб неяк перадаць цяпло вайскоўцам, якія абараняюць нас. І гэта мой спосаб быць удзячнай за іх мужнасць і ахвяру.
Арганізатары адзначаюць, што сёлета ўдзельнікамі акцыі сталі не толькі ўкраінцы, але і палякі. Падзея прайшла на Замкавай плошчы. Па словах Ніны, акцыю плануецца паўтарыць і бліжэй да зімы.
Цалкам матэрыял слухайце ў далучаным файле:
Беларускае Радыё Рацыя
