Мінулай ноччу ў небе над Украінай былі знішчаны 16 ударных беспілотнікаў. Усяго расейскія акупанты запусцілі 18 дронаў-камікадзэ.
Іх збілі ў межах Палтаўскай, Кіеўскай, Хмяльніцкай, Мікалаеўскай, Кіраваградскай, Днепрапятроўскай, Запарожскай, Херсонскай абласцей.
Між тым, падчас працы Форуму свабоднай Расеі гісторык Юрый Фяльшцінскі прадставіў сваю стратэгію завяршэння вайны ва Украіне, у якой ключавое месца займае Беларусь. На думку эксперта, Расея можа выкарыстаць ядзерную зброю, размешчаную ў Беларусі, для ўдару па Еўропе.
Аднак такога сцэнару можна пазбегнуць, вызваліўшы вайсковай сілай Беларусь з-пад улады Масквы. Фяльшцінскі лічыць, што Беларусь была акупаваная Расеяй у 2020 годзе, каб забяспечыць плацдарм для падрыхтоўкі нападу на Украіну. Адпаведна вызваленне Беларусі мусіць стаць умовай і для краху пуцінскага рэжыму.
Беларускае Радыё Рацыя
