Самы буйны ўніверсітэт Падляшша – Універсітэт у Беластоку – зноў трапіў у спіс, падрыхтаваны Цэнтрам сусветных універсітэцкіх рэйтынгаў. Яго аўтары ацанілі каля 20 тысяч ВНУ з усяго свету, а дзве тысячы лепшых трапілі ў рэйтынгавы спіс.
“Той факт, што ўніверсітэт у Беластоку ў спісе Global 2000 у рэйтынгу цэнтра ўваходзіць у лік 10% лепшых ВНУ і навукова–даследчых інстытутаў у свеце, з’яўляецца пацвярджэннем правядзення даследаванняў супрацоўнікамі нашага ўніверсітэта на высокім сусветным узроўні”, – падкрэслівае доктар Агнешка Пекутоўская, прарэктар універсітэта па навуцы і міжнародным супрацоўніцтве.
Аўтары рэйтынгу ўлічылі чатыры паказчыкі: адукацыя (гэта акадэмічныя поспехі выпускнікоў), працаўладкаванне (прафесійныя дасягненні выпускнікоў), кадравы склад (колькасць прэстыжных акадэмічных узнагарод для работнікаў універсітэта) і даследаванні (публікацыі, уплыў, цытаты).
Польшча ў гэтым годзе ў рэйтынгу прадстаўлена 40 вышэйшымі навучальнымі ўстановамі.
Беларускае Радыё Рацыя
Фота: edu.polsha24
