14-га лістапада ў Ауле Магна палаца Браніцкіх у Беластоку праходзіць урачыстая сесія Сейміка Падляшскага ваяводства з нагоды 25-годдзя ваяводства.
Вынікі 25 год мясцовага самакіравання падвёў старшыня Сейміка Падляшскага ваяводства Цэзары Цеслюкоўскі:
–25 гадоў мы кіруем ваяводствам, прымаем рашэнні. І гэта звязана і з сацыяльнымі праблемамі, і з эканамічнымі. Стараемся рабіць усё магчымае, каб жыхарам было лепей. Мы адказваем за развіццё ваяводства і яго будучыню.
Важнасць мясцовага самакіравання на Падляшшы падкрэсліў радны, дырэктар Беларускага ліцэя ў Гайнаўцы Ігар Лукашук:
–Гэта вельмі важная дата ў гісторыі Падляшскага ваяводства. 25 гадоў таму яно было створана. Вельмі прыемна, што пад Беластокам задзіночыліся тры колішнія ваяводствы: Ломжынскае, Сувальскае і Беластоцкае. Самае вялікае свята дэмакратыі і такой дэмакратыі, на якую людзі непасрэдна маюць уплыў.
Падчас урачыстай сесіі Сейміка Падляшскага ваяводства з нагоды яго 25-годдзя былі агучаны найбольшыя дасягненні самакіравання, а таксама ўручаны Ганаровыя Адзнакі Падляшскага ваяводства і Памятныя Медалі з нагоды 25-годдзя ваяводства.
Цалкам матэрыял у далучаным гукавым файле:
Беларускае Радыё Рацыя
