У Беластоку адбыліся ўрачыстасці з нагоды двух важных падзей: 30-годдзя з’яўлення груп з беларускай мовай навучання і 75-годдзя існавання дзіцячага садка №14.
Люцыя Німеровіч, якая была дырэктаркай садка з 2002 па 2022 год, падкрэсліла значэнне беларускай прысутнасці ва ўстанове:
-Сталася на беластоцкай мапе і падляшскай мапе вельмі важным. Таму што настаўніцы беларускай мовы навучаюць беларускім песням, дзеткі ўсюды выступаюць, ёсць калекітыў і настаўнікаў, і калектыў дзіцячы. Самае важнае, што мажна паказаць, што ў Беластоку ёсць беларуская меншасць і што сюды прыводзяць дзяцей, каб яны навучаліся беларускай мове.
Кажа адна з ініцыятараў стварэння беларускамоўнага навучання ў садку – Барбара Пякарская:
–Гонар, прыемнасці і шчасце, што ідэя, якая паўстала ў нашых галовах 30 гадоў таму, яна ператрывала і жыве, і ўсё працуе так як трэба. Я шчаслівая.
На свяце прысутнічалі намеснік Прэзідэнта горада Марэк Масальскі і Падляшскі куратар асветы Агнешка Крокас-Янчыла. Прысутныя згадвалі гісторыю стварэння беларускіх груп, іх ролю ў выхаванні дзяцей у беларускай культурнай традыцыі, а таксама людзей, дзякуючы якім усё гэта стала магчымым.
Цалкам матэрыял:
Вольга Сямашка, Беларускае Радыё Рацыя
