У баях супраць расейскіх акупацыйных войск ва Украіне загінула беларуска Марыя Зайцава.
Гэта адбылося пад Бахмутам на паўднёвым усходзе краіны, дзе яна ваявала ў складзе 2-га Інтэрнацыянальнага легіёну. Цела Зайцевой пакуль застаецца ў зоне абстрэлаў.
Два дні таму ёй споўнілася 24 гады. Дзяўчына паходзіла з Гомеля, скончыла адну з найлепшых навучальных устаноў горада — гімназію № 46 імя Блэза Паскаля, дзе паглыблена вывучаюць французскую мову.
У жніўні 2020 года Марыя разам з сябрам прыехала ў Менск спецыяльна для ўдзелу ў пратэстах супраць фальсіфікацыі прэзідэнцкіх выбараў. Там яна была моцна траўмаваная светлашумавой гранатай.
Дзяўчына паўтара месяца ляжала ў бальніцы ў Беларусі, а пасля паехала на лячэнне ў Чэхію. Ёй зрабілі некалькі аперацый, але праблемы ўсё адно заставаліся.
У 2022 годзе Марыя далучылася да беларускага добраахвотніцкага руху.
З пачатку поўнамаштабнай вайны Расеі з Украінай загінулі не менш за 64 беларусы, якія ваявалі на баку Украіны.
