Як дзяцей, так і дарослых запрашаюць ва Уроцлаве, каб разам патанчыць пераважна беларускія танцы.
У бліжэйшыя тыдні, а таксама ў зімовы перыяд сустрэчы будуць адбывацца раз на тыдзень. Заняткі адбудуцца ў закрытым памяшканні. Запрашаюцца як дзеці, так і дарослыя, — адзначыла адна з галоўных арганізатараў спадарыня Ганна:
– Беларускія танцы вядомыя ва Уроцлаве ўжо чатыры гады. Ужо ідзе пяты год, калі беларусы, палякі і шмат іншых гасцей танчаць з намі беларускія танцы. Сустракаемся мы цяпер часцей – ад нядзелі сустрэчы будуць адбывацца кожны тыдзень, сустрэчы з варштатам і танцамі, як заўжды гэта было. Тры тыдні – гэта дакладна. А затым будзем глядзець, як сустракацца падчас посту.
Знайсці дакладнае месца і час правядзення бліжэйшых сустрэчаў можна праз суполку ў фэйсбук Беларускiя традыцыйныя танцы ва Уроцлаве / Białoruskie tańce ludowe we Wro.
Беларускае Радыё Рацыя
