Палітычны аналітык Вадзім Мажэйка выказаў меркаванне пра тое, што варта рабіць беларусам у эміграцыі:
– Мне здаецца, можа справа не столькі да бізнес-асацыяцыі, а хутчэй да дыяспаральных структур, да такіх структур, як Беларускі дом у Варшаве ці Цэнтр беларускай салідарнасці. Згадваючы называю структуры, якія ёсць у Польшчы, можна назваць падобныя структуры і ў іншых краінах.
Па словах аналітыка, беларусы мусяць дапамагаць адзін аднаму:
– Такія арганізацыі ёсць, дзе ёсць беларусы, можа не настолькі вядомыя, не настолькі развітыя, якія дапамагаюць з прававымі пытаннямі, з інтэграцыяй, з моўнымі курсамі. Добра было б, каб беларусы самаарганізоўваліся і стваралі НДА ў іншых краінах. Ніхто ж не прыйдзе і для нас гэта не зробіць. Трэба самім гэта рабіць, каб нам лепей жылося.
Беларусамі ў Еўропе створана “Асацыяцыя беларускага бізнесу за мяжой”, а ў Грузіі, куды пасля падзей 2020 году з’ехала вялікая колькасць прадпрымальнікаў, амаль паўтара гада таму была створана “Беларуская бізнес-асацыяцыя”.
Беларускае Радыё Рацыя
