Больш за 20 валанцёраў з рэгіёна і мясцовых жыхароў сабраліся на старажытных праваслаўных могілках у Дубінах, каб працягнуць працу па іх ачышчэнні.
Разам з імі арганізатарка работ, войт гміны Гайнаўка Люцына Грыгарук-Смактуновіч адзначыла важнасць такіх работ:
– Людзі прыйшлі і дапамаглі нам скончыць. Гэта як мёд на сэрцы, калі парадак на могілках. І тут можна згадаць гісторыю, паглядзеўшы на могілкі. Людзі могуць знайсці тут сваіх родных. Я не баюся могілак, бо тут ляжаць нашы продкі.
Стары некропаль, дзе спачываюць продкі жыхароў вёскі і наваколля, доўгі час заставаўся занядбаным. Дзякуючы супольнай працы ўдзельнікаў прыборкі ўжо многія крыжы і надмагіллі ачышчаны ад хмызняку і травы. Сярод помнікаў —магілы ўдзельнікаў Арміі Украінскай Народнай Рэспублікі (УНР) — салдат і афіцэраў, якія пасля 1920 года апынуліся ў Гайнаўцы, дзе шукалі працу на дрэваапрацоўчых прадпрыемствах.
Цалкам матэрыял:
Беларускае Радыё Рацыя
