Банк нацыянальнага гаспадарства Польшчы апублікаваў справаздачу аб устойлівасці гарадоў да крызісаў, у тым ліку магчымых ваенных пагроз.
Аналіз улічваў стыхійныя бедствы, медыцынскія, гуманітарныя і ваенныя рызыкі, а таксама здольнасць уладаў рыхтавацца, рэагаваць і аднаўляцца. Найбольш падрыхтаванымі да надзвычайных сітуацый прызнаны Кракаў, Познань, Уроцлаў, Катовіцы і Жэшув — дзякуючы развітай інфраструктуры і доступу да ключавых службаў.
Найбольш уразлівымі ў выпадку вайны называюць Варшаву і Гданьск, а таксама населеныя пункты Сувалкскага калідора з-за блізкасці да межаў з Расеяй і Беларуссю.
Беларускае Радыё Рацыя
